-
-
-
-
काठमाडौं । साविक विजेता नोभाक जोकोभिच विम्बल्डन टेनिसको फाइनलमा प्रवेश गरेका छन् । सेन्टर कोर्टमा शुक्रबार राति नवौं वरीयताका बेलायतका क्यामरुन नोरीलाई हराउँदै सर्बियन खेलाडी जोकोभिच फाइनलमा पुगेका हुन् । उनले २–६, ६–३, ६–२ र ६–४ को सेटमा जित हासिल गरे ।
अब, आइतबार हुने फाइनल खेलमा जोकोभिचले उपाधिका लागि निक किर्गियोससँग खेल्ने छन् । यसअघि स्पेनिश टेनिस स्टार रफाइल नदालले पेटको चोटका कारण विम्बल्डनको सेमिफाइनलबाट नाम फिर्ता लिएपछि निक फाइनलमा पुगेका हुन् ।
