अब ओली, देउवालाई आराम गर्न दिनुपर्छ : स्वागत नेपाल
हाम्रा कुरा
प्रकाशित २०७९ साउन १६ सोमबार
2.2k
Shares
काठमाडौं । उन्नत लोकतन्त्र पार्टीका अध्यक्ष स्वागत नेपालले एमाले अध्यक्ष केपी शर्मा ओली, नेपाली कांग्रेसका सभापति शेरबहादुर देउवा लगायत उमेर बढी भएका नेतालाई आराम गर्न दिनुपर्ने बताएका छन् ।
एक अन्तरक्रिया कार्यक्रममा बोल्दै उनले उनले घरमा बुढा आमा बुबालाई जसरी काम गर्न नदिई आराम गर्न लगाउँछौ त्यस्तै सरकारमा बस्नेहरूलाई पनि आराम दिने बेला भएको बताए ।
उनले भने,' केपी ओली, देउवा लगायत महन्तलाई पनि गाली गर्नु छैन । उनीहरूको ज्ञान अनुसारको काम गरिसके । हामीले घरमा बुढा भएको बुबाहरूलाई जसरी काम गर्न दिँदैनौ । आराम गर्न लगाउँछौ त्यसै गरि अब उनीहरूलाई पनि आराम गर्न दिनु पर्छ । अब उहाँहरूबाट सम्भावना छैन ।'
उनले देउवा, प्रचण्डहरू धेरै मिल्नु यो देशको लागि घातक भएको बताए । उनले भने,' टाउको लिएर आऊ र पैसा झोलामा लिएर जानेहरूको र टाउको लिँदै हिन्नेहरु अहिले मिली रहेका छन् । देउवा प्रचण्डहरू धेरै मिल्नु यो देशको लागि घातक छ ।'
