-
-
-
-
काठमाडौं । नाबालिगमाथि जबरजस्ती करणीको आरोप लागेका राष्ट्रिय क्रिकेट टिमका कप्तान सन्दीप लामिछाने निलम्बनमा परेका छन् । नेपाल क्रिकेट संघ (क्यान) ले प्रेस विज्ञप्ति जारी गरी सन्दीपलाई निलम्बन गरिएको जनाएको छ ।
क्यानका कार्यवाहक महासचिव प्रशान्त विक्रम मल्लले जारी गरेको विज्ञप्तिमा क्यानको कार्यसम्पादन समितिको निर्णयअनुसार आज उनलाई निलम्बन गरिएको उल्लेख छ ।
सन्दीपमाथि प्रहरीमा जाहेरी परेको र अनुसन्धानका लागि काठमाडौं जिल्ला अदालतले पक्राउ पूर्जीसमेत जारी गरेकाले क्यानले उनलाई निलम्बन गरेको स्पष्ट पारेको छ ।
सन्दीप यतिबेला वेष्ट इन्डिजमा रहेका छन् । उनी क्यारेबियन लिग खेल्न त्यहाँ गएका हुन् । यद्यपि अहिलेसम्म उनी बेन्चमै छन् ।
