-
-
-
-
काठमाडौं । स्पेनिश युवा खेलाडी कार्लोस अल्कराजले यूएस ओपन टेनिसको उपाधि जितेका छन् । १९ वर्षे कार्लोसले फाइनलमा नर्वेजियन २३ वर्षे खेलाडी कास्पर रुडलाई हराउँदै मेडन ग्रान्डस्लाम उपाधि जितेका हुन् ।
न्यूयोर्कमा भएको फाइनलमा कार्लोसले रुडरलाई ६–४, २–६, ७–६ र ६–३ को सेटमा हराए । यो उपाधि जितेका भए रुड विश्व नम्बर एक वरीयतामा पुग्ने थिए ।
टेनिसका महान् खेलाडी स्पेनिश रफाइल नदालपछि ग्रान्डस्लाम उपाधि जित्ने कार्लोस सर्वाधिक युवा खेलाडी हुन् ।
१९ वर्षकै उमेरमा नदालले सन् २००५ मा फ्रेन्च ओपन जितेका थिए ।
यूएस ओपनको महिलातर्फको उपाधि विश्व नम्बर एक इगा स्वेटेकले जितेकी छिन् ।
