विश्वकै ठूलो ईकमर्स अमेजनले २० हजार कर्मचारी हटाउँदै
हाम्रा कुरा
प्रकाशित २०७९ मंसिर १९ सोमबार
565
Shares
काठमाडौं । विश्वकै ठूला ईकमर्स कम्पनीहरुमध्येको एक अमेजनले हाल कार्यरत २०,००० कर्मचारीहरूलाई हटाउने योजना बनाएको रिपोर्ट सार्वजनिक भएको छ। आउँदो महिनाहरूमा अमेजनले विभिन्न ठाउँमा रहेका आफ्ना अफिसहरुमा कार्यरत कर्मचारी बर्खास्त गर्ने बताइएको छ ।
अहिले बर्खास्त हुने सम्भावना भएका कर्मचारीको संख्या २०,००० पुगेको र कम्पनीले सबै तहका मानिसहरूलाई बर्खास्त गर्ने सम्भावना रहेको छ।
अमेजनका सीईओले उनीहरूले हटाउने प्रक्रिया जारी राख्ने र कम्पनीले सबै कुराको मूल्याङ्कन गरेपछि प्रभावित हुने कर्मचारीहरूलाई सूचित गरिने बताएका छन् ।
खर्च कटौती गर्नका लागि विभिन्न क्षेत्रका सबै विभागहरूको कडाइका साथ समीक्षा भइरहेकोले बर्खास्त हुने कर्मचारीको सङ्ख्या बढेकाे बताइएको छ ।
