किसानलाई तालिम

हाम्रा कुरा

प्रकाशित २०७९ मंसिर २९ बिहिबार

काभ्रेपलाञ्चोक । जिल्लाको बेथानचोक गाउँपालिकाको वडा नम्बर १ च्याम्राङबेशिमा कृषकहरुको लागि दुधालु गाई भैँसीको आहारा एवं ब्यवस्थापन ३ दिने तालिम कार्यक्रम सम्पन्न भएको छ ।

राष्ट्रिय दुग्ध विकास बोर्ड हरिहर भवन ललितपुरको आयोजना, मदानी डेरि उद्योग बेथानचोक १ को समन्वय र बेथानचोक गाउँपालिकाको सहयोगमा दुधालु गाई भैँसीको आहार ब्यवस्थापन तालिम कार्यक्रम बिहीबार समापन भएको हो ।

समापन कार्यक्रममा गाउँपालिका अध्यक्ष भगवान अधिकारीको प्रमुख आतिथ्यता रहेको थियो । अध्यक्ष अधिकारीले कृषकहरुको लागि आयोजना गरिने तालिम कार्यक्रमहरुले कृषक तथा जनतामा उत्साह थपेको र ब्यवसायिक पशुपालनमा लाग्न प्रेरणा मिल्ने धारणा व्यक्त गरेका थिए ।