कर्णाली । कर्णाली र कर्णाली प्रदेशसभाका नवनिर्वाचित सदस्यहरूले कर्णालीको गरिबी, भोक र रोगविरुद्ध लड्ने प्रतिबद्धता व्यक्त गरेका छन् । प्रदेशसभाको दोस्रो कार्यकालको पहिलो बैठकमा बोल्ने प्रदेशसभा सदस्यहरूले जुनसुकै राजनीतिक दलबाट जितेर आए पनि यहाँको गरिबी, भोक, रोग र अशिक्षाविरुद्ध एक भएर अगाडि बढ्नुपर्ने जोड दिएका हुन् । 

बैठकमा नेपाली कांग्रेस प्रदेशसभा दलका नेता जीवनबहादुर शाहीले कर्णालीमा दल वा सरकारविरुद्ध नभई निर्वाचित सबै जनप्रतिनिधिहरूले सबै खाले चुनौतीसँग जुध्नु सोमबारको आवश्यकता रहेको जनाए । 

प्रदेश निर्माणमा अरूलाई दोष दिने छुट नभएकाले विधायकहरूले राम्रो ऐन, कानून बनाउनुपर्नेमा जोड दिँदै उनले जननिर्वाचित ज्येष्ठ सदस्यसहित सबै प्रदेशसभा सदस्यहरूलाई बधाई तथा सफल कार्यकालको शुभकामना व्यक्त गरे । 

नेकपा एमाले कर्णाली प्रदेशसभा दलका नेता यामलाल कँडेलले गएको कार्यकालले जग बसालिसकेकाले यो कार्यकाललाई अझ बढी परिणाममुखी र सुदृढ गरेर लैजान एकमत हुनुपर्ने बताए । कर्णालीमा विकास गर्नेभन्दा खाने मनोविज्ञान भएकाले अब सही सन्देश दिनुपर्ने भन्दै नवनिर्वाचित प्रदेशसभा सदस्यलाई बधाई तथा मतदातालाई धन्यवाद ज्ञापन गरे ।

नेकपा (माओवादी केन्द्र) कर्णाली प्रदेशसभा दलका नेता राजकुमार शर्माले जनताप्रति जवाफदेही भएर जनयुद्ध, जनआन्दोलन र विभिन्न कालखण्डको परिवर्तनबाट आएको व्यवस्थाको संरक्षण सोमबारको नेतृत्वले गर्नुपर्ने बताए । गरिबीविरुद्ध लड्न साझा अवधारणा आवश्यक भएको बताएका उनले जनताको अभिमत र अमूल्य योगदानबाट सोमबार यो व्यवस्थामा निर्वाचित हुन सकिएको भन्दै मतदातालाई धन्यवाद र प्रदेशसभा सदस्यहरूलाई बधाई ज्ञापन गरे । 

राप्रपा नेपालका कर्णाली प्रदेशसभा सदस्य सन्तोषी शाही, नेकपा (एकीकृत समाजवादी)का प्रदेशसभा सदस्य कल्याणी खड्का र स्वतन्त्र प्रदेशसभा सदस्य देवेन्द्र शाहीले कर्णाली प्रदेशको शान्ति, विकास र समृद्धिका लागि समन्वय, सहकार्य र ऐक्यबद्धता आवश्यक भएको बताएका थिए ।

ज्येष्ठ सदस्य विनोदकुमार शाहले सभा सञ्चालनका क्रममा कर्णाली प्रदेशसभा नियमावली, २०७९ को नियम ११ को उपनियम १ बमोजिम सभामुख र उपसभामुखको अनुपस्थितिमा बैठकको अध्यक्षता गर्ने प्रयोजनका लागि हिक्मत विष्ट, भीमप्रकाश शर्मा र जितबहादुर मल्ललाई मनोनयनको प्रस्ताव गरे । सो प्रस्ताव प्रदेशसभाबाट सर्वसम्मतले पारित भएको थियो । प्रदेशसभाको अर्को बैठक यही पुस २५ गते दिउसो १ बजे बस्नेछ ।