प्रभु स्मार्ट फण्ड बिक्रीमा, १० वर्षमा २५५ प्रतिशत लाभांश दिने लक्ष्य
हाम्रा कुरा
प्रकाशित २०७९ फागुन १८ बिहिबार
610
Shares
काठमाडौं । प्रभु क्यापिटल सामूहिक लगानी कोष अन्तर्गत प्रभु स्मार्ट फण्डको इकाइ बिक्रीमा आएको छ । फण्डले प्रति इकाइ १० रुपैयाँ अंकित दरमा ८० करोड बराबरको ८ करोड इकाइ जारी गरेको हो ।
बिहीबारदेखि शुरु भएको उक्त इकाइ खरिदका लागि इच्छुक लगानीकर्ताले आगामी २३ गतेसम्म आवेदन दिन सक्नेछन् ।
सो अवधिमा सबै इकाइका लागि आवेदन नपरेको खण्डमा भने ढिलोमा चैत ३ गतेसम्म इकाई बिक्री खुला रहने क्यापिटलले बताएको छ ।
यो योजनाको कोष प्रवर्द्धक प्रभु बैंक लिमिटेड रहेको छ । योजना व्यवस्थापक प्रभु क्यापिटल लिमिटेड रहेको छ । यस योजनाले इकाई बिक्रीबाट संकलित रकमको ३५ देखि ९० प्रतिशतसम्म शेयरमा लगानी गर्ने बताइएको छ ।
निष्काशित इकाइमध्ये कोष प्रवर्द्धक प्रभु बैंक लिमिटेडले एक करोड १२ लाख इकाई र कोष व्यवस्थापक प्रभु क्यापिटल लिमिटेडले आठ लाख इकाई गरी कुल एक करोड २० लाख इकाई सुरक्षित गरिएको छ ।
बाँकी ६ करोड ८० लाख इकाईका लागि सर्वसाधरणले आवेदन दिन पाउने छन् ।
