-
-
-
-
पोखरा । गण्डकी प्रदेश सभा सदस्य एवं नेपाली कांग्रेसका युवा नेता प्रकाश बराललाई पितृशोक परेको छ । उनका पिता एवं समाजसेवी लोकराज बराललको आज साँझ निधन भएको हो ।
बराल केही महिना अघि सवारी दुर्घटनामा परेका थिए । मणिपाल शिक्षण अस्पतालमा अपरेशनपछि घरमै आराम गरिरहेका बरालको ८२ वर्षको उमेरमा आज साँझ ५ः३० बजे निधन भएको हो ।
बरालका दुई श्रीमतीको यसअघि नै निधन भइसकेको छ । उनका पाँच छोरा र तीन छोरी छन् । सांसद प्रकाश उनका साइला छोरा हुन् ।
स्व. बरालको शनिबार बिहान ९ बजे निवासबाट शवयात्रासहित पोखरा-९ स्थित सेती नदीको रामघाटमा अन्तिम संस्कार गरिने नेपाली कांग्रेस पोखरा-२२ का सचिव खुशीराम बरालले जानकारी दिए ।
