-
-
-
-
झापा । नेपाल शिक्षक संघको कोशी प्रदेश अध्यक्षमा तेजप्रसाद चौलागाई विजयी भएका छ्न् । विराटनगरमा शुक्रबार सम्पन्न निर्वाचन मतपरिणाम अनुसार चौलागाईं अध्यक्षमा निर्वाचित भएका हुन् । झापा जिल्लाको मेचीनगरस्थित धुलाबारी माध्यमिक विद्यालयका सहायक प्रधानाध्यापक चौलागाई १९० मत प्राप्त गरी विजयी भए ।
अध्यक्षका प्रत्यासी धनकुटाका गंगाराम ढुंगानाले १५६ मतमात्र प्राप्त गर्न सफल भए । त्यस्तै महासचिव पदमा मात्रिका प्रसाद न्यौपानेले १७३ मत प्राप्त गरी विजयी रहँदा उनका प्रतिस्पर्धी बद्री कार्कीले १५९ मत प्राप्त गरे ।
वरिष्ठ उपाध्यक्षमा सुरेशकुमार चौधरी विजयी बन्न सफल भए । चौधरीले १७५ मत ल्याएर विजयी रहँदा प्रतिस्पर्धी हेमराज खतिवडाले १६६ मत ल्याए ।
त्यस्तै महिला उपाध्यक्षमा राजकुमारी भण्डारीले १८८ मत ल्याएर विजयी रहँदा प्रतिस्पर्धी रेखा पराजुलीले १६६ मत प्राप्त गरिन् । कुल ४३८ मतदाता रहेको कोशी प्रदेश कार्यसमितिको निर्वाचनमा जम्मा ३४८ मत खसेको निर्वाचन समितिले जनाएको छ ।
