आजै आउन सक्ने सन्दीप लामिछाने विरुद्धको बलात्कार आरोपको मुद्दाको फैसला
हाम्रा कुरा
प्रकाशित २०८० वैशाख ११ सोमबार
645
Shares
तस्बिर – फाइल ।
काठमाडौं । बलात्कार आरोपी राष्ट्रिय क्रिकेट टिमका खेलाडी सन्दीप लामिछाने विरुद्धको मुद्दा न्यायाधीश दीपक ढकालको इजलासमा परेको छ। काठमाडौं जिल्ला अदालतले सम्भवतः आज सुनाउने फैसलाका लागि न्यायाधीश ढकालको इजालसमा पेशी तोकिएको हो ।
पेशी चौथो नम्बरमा छ । लामिछानेको मुद्दामा आज अन्तिम सुनुवाइ हुन लागेको हो । बहस सकिएको खण्डमा आजै फैसला आउनेछ ।
अदालतको आदेश अनुसार पीडित किशोरीको स्वास्थ्य परीक्षण गर्ने चिकित्सक तथा क्रिकेटरहरुको बकपत्र गराउन छुटेको तथा सो कार्य गत बुधबार सम्पन्न भएपछि आजै फैसाला हुन सक्ने बुझिएको छ । गत बुधबार चिकित्सक र क्रिकेटरसहित ३ जनाको बकपत्र गराइएको थियो।
नाबालिग बलात्कारको मुद्धामा पुर्पक्षका लागि थुनामासमेत परेका लामिछाने उच्च अदालतको आदेशबाट रिहा भएका थिए । उनी जेल बाहिर नै बसेर अहिले मुद्धा लडिरहेका छन् ।
