-
-
-
-
काठमाडौँ । १९ औँ एसियाली खेलकुदका लागि आर्चरीका खेलाडीहरु छनोट भएका छन् । शनिबार भएको आर्चरी खेलाडीको अन्तिम छनोटमा ४ जना खेलाडीहरु छनोट हुन सफल भएका हुन् ।
रिकर्भ पुरुषमा तिलक पुन मगर (नेपाल प्रहरी प्राप्ताङ्क १२६७), रिकर्भ महिला मञ्जु बजगाई (नेपाल आर्मी प्राप्ताङ्क १०७०) कम्पाउण्ड पुरुष योगेन्द्र शेरचन (गण्डकी प्रदेश प्राप्ताङ्क १२८९) र कम्पाउण्ड महिला इमायुङ राई (नेपाल आर्मी प्राप्ताङ्क १३०३) छनोट भएका हुन् ।
१९औं एसियाली खेलकुदमा यिनीहरुले १० इभेण्टमध्ये ६ इभेण्टमा प्रतिस्पर्धा गर्नेछन् । उक्त छनोटमा ११औँ राष्ट्रिय आर्चरी प्रतियोगिताबाट १४ जना छनोटमा परेका खेलाडीहरुको सहभागिता रहेको थियो ।
