नयाँ शक्तिको केन्द्रीय कार्यालयमा कार्यविभाजन हेरफेर

नयाँ शक्तिको केन्द्रीय कार्यालयमा कार्यविभाजन हेरफेर

प्रकाशित २०७३ कार्तिक ३ बुधबार

काठमाडौं । नयाँ शक्ति पार्टी, नेपालको केन्द्रीय कार्यालयको कार्यविभाजन हेरफेर भएको छ । वुधबार बसेको विशेष राजनीतिक समितिले नयाँ कार्यविभाजन गरेको हो । बैठकले प्रशान्त सिंहलाई संयोजक बाबुराम भट्टराईको प्रमुख रणनीतिक सल्लाहकारमा नियुक्त गरेको छ ।

त्यसैगरी बैठकले केन्द्रीय कार्यालयको संयोजकमा केशवमान शाक्य र सह–संयोजकमा प्रह्लाद लामिछानेलाई जिम्मेवारी दिएको छ । त्यस्तै विद्यार्थी संगठनको उत्प्रेरकको जिम्मेवारी राजु नेपाललाई दिइएको छ ।

प्रमुख रणनीतिक सल्लाहकारमा नियुक्त भएका सिंह हार्वड विश्वविद्यालय, अक्सफोर्ड विश्वविद्यालय लगायतका प्रतिष्ठित विश्वविद्यालय र प्रतिष्ठानहरुबाट प्रशिक्षित भएका व्यक्ति हुन् । उनले यसअघि नै नेपाल पर्यटन बोर्डको निर्देशक, विश्व बन्यजन्तु कोष, नेपालको निर्देशक लगायतका पदहरुमा रहेर कार्य गरिसकेका छन् ।

त्यसैगरी केन्द्रीय कार्यालय संयोजक शाक्य पूर्व विज्ञान प्रविधि तथा वातावरण मन्त्री हुन् भने, उनले धेरै प्रतिष्ठित संस्थाहरुमा कार्यकारी पदमा रहेर काम गरिसकेका छन् ।

केन्द्रीय कार्यालय सह–संयोजक लामिछाने पूर्वसभासद् हुन् । उनी नयाँ शक्ति पार्टी, नेपालको मकवानपुर जिल्ला संयोजक पनि रहिसकेका छन् । उनले विभिन्न व्यवस्थापकीय जिम्मेवारीमा रहेर काम गरेको अनुभव छ । यस्तै, बैठकले मंसिर ५ गतेदेखि हुने केन्द्रीय कार्यकारी समितिको बैठकको लागि विभिन्न कार्ययोजना निर्माण कार्यदलहरु गठन गठन गरेको छ ।

कार्ययोजना निर्माण कार्यदलहरु गठन

१. वैचारिक–राजनीतिक तथा साँस्कृतिक अभियान कार्ययोजना

संयोजक : डम्बर खतिवडा

सदस्यहरु : खिमलाल देवकोटा, करिष्मा मानन्धर, अमरध्वज लामा

२‍. संगठन निर्माण तथा विस्तार कार्ययोजना

संयोजक : देवेन्द्र पौडेल

सदस्यहरु : केशव दाहाल, रामकुमार शर्मा, कल्पना धमला, पासाङ शेर्पा, कुमार पौडेल, देवराज भारद्वाज

३. राष्ट्रिय तथा सामाजिक अभियान कार्ययोजना

संयोजक : गंगा श्रेष्ठ

सदस्यहरु : देवेन्द्र पराजुली, रामरिझन यादव, ऋषभदेव भट्टराई, लिली थापा, दुर्गा न्यौपाने, सावित्री लामा, दीपक भट्टराई

४. आर्थिक स्रोत परिचालन तथा व्यवस्थापन कार्ययोजना

संयोजक : रामेश्वर खनाल