-
-
-
-
कपिलवस्तु । कृष्णनगर नगरपालिका ५ बगहीमा एकै परिवारका दुई दाजुभाइ मृत अवस्थामा फेला परेका छन् ।
मङ्गलबारदेखि हराएका वर्ष ५ का जुम्ल्याहा दाजुभाइ राजन यादव र साजन यादवको शव घर नजिकैको पोखरीमा फेला परेको प्रहरीले जनाएको छ ।
प्रहरीलाई घरबाट हराएको भनी राति ९ बजे जानकारी भए पनि दुवै दाजुभाइको शव बुधबार बिहान मात्र भेटिएको थियो ।
माटो निकालेर पानी जमेको खाडलमा दाजुभाइको शव फेला परेको प्रहरीले जनाएको छ ।
दुवै शवलाई बहादुरगंजस्थित शिवराज अस्पतालमा पोस्टमार्टम गरि परिवारलाई बुझाइएको छ भने घटनाको विषयमा थप अनुसन्धान भइरहेको इलाका प्रहरी कार्यालय कृष्णनगरले जनाएको छ ।
