काठमाडौँ । एसिया कप क्रिकेट अन्तर्गत भारत विरुद्धको खेलमा सोमपाल कामीले ४८ रन बनाएका छन् । अर्धशतक नजिक पुगेर उनी ५६ बलमात्र खेलेर २ छक्का र १ चौकाको मद्धतले ४८ रन बनाएका हुन् ।
श्रीलंकाको पल्लेकेले मैदानमा भएको खेलमा नेपालका लागि सबैभन्दा बढी रन भने आसिफ शेखले ५८ रन बनाए । सोमपालको दोस्रो ठूलो रन हो ।
त्यस्तै दिपेन्द्र सिंह ऐरीले २९ रन बनाएका छन् । उनले २५ बलमा ३ चौकाको मद्धतले २९ रन जोडेका हुन् ।
यसअघि गुल्सन झा २३ रन बनाएर आउट भए । गुल्सनले ३५ बलमा ३ चौकाको मद्धतले २३ रन बनाएर आउट भएका हुन् ।
आसिफ शेखले संयमित ब्याटिङ गर्दै ९७ बलमा ५८ रन बनाएर आउट भए ।
उनलाई विराट कोहलीले क्याच आउट गरे । कोहलीले नै आसिफ १ रनमा छँदा क्याच ड्रप गरेका थिए ।
आसिफ र कुशल भुर्तेलबीच पहिलो विकेटका लागि सर्वाधिक ६५ रनको साझेदारी भएको थियो । तर त्यसपछि भने लगातार विकेट ढलेको छ ।
कुशलले २५ बलमा ३८ रन बनाए । जसमा २ छक्का र ३ चौका सामेल थियो ।
