-
-
-
-
काठमाडौँ । आज संसदीय सुनुवाइ समितिको बैठक बस्दै छ ।
बैठक आज बिहान ११ बजे सिंहदरबारमा बस्नेछ ।
आजको बैठकमा सर्वोच्च अदालतका प्रस्तावित न्यायाधीश विरुद्ध परेको उजुरी सम्बन्धमा उजुरीकर्तासँग छलफल हुनेछ ।
सर्वोच्च सिफारिस भएका न्यायाधीशविरुद्ध समितिमा १० वटा उजुरी परेका छन् ।
सर्वोच्च अदालतका लागि सिफारिस भएका न्यायाधीशमा सारङ्गा सुवेदीका नाममा छ, टेकप्रसाद ढुङ्गानाका नाममा तीन र अब्दुल अजिज मुसलमानका नाममा एउटा उजुरी परेको छ ।
उनका अनुसार सिफारिस भएका न्यायाधीशमा महेश शर्मा पौड्याल, सुनिल पोखरेल र बालकृष्ण ढकालको नाममा कुनै पनि उजुरी परेको छैन ।
न्यायपरिषद्ले सर्वोच्च अदालतमा रिक्त न्यायाधीश नियुक्तिका लागि यही मङ्सिर ५ गते छ जनाको नाम सिफारिस गरेको थियो ।
