हिन्दू राष्ट्र र राजसंस्था पुनः स्थापनाका लागि मोर्चा बनाएर आन्दोलन गर्नुपर्ने कमल थापाको निष्कर्ष [भिडियो]
सम्पूर्ण नागरिकलाई सडकमा आउन अपील
हाम्रा कुरा
प्रकाशित २०८० मंसिर २४ आइतबार
598
Shares
काठमाडौँ । राष्ट्रिय प्रजातन्त्र पार्टी नेपालका अध्यक्ष कमल थापाले हिन्दू राष्ट्र र राजसंस्था पुनः स्थापनाको निम्ति आन्दोलन गर्नुपर्ने बताएका छन् ।
आइतबार काठमाडौँमा पार्टीको केन्द्रीय कार्यसमितिको बैठकलाई सम्बोधन गर्दै अध्यक्ष थापाले हिन्दू राष्ट्र र राजसंस्था पुनर्स्थापनाको निम्ति आन्दोलनको विकल्प नभएको बताएका हुन् ।
उनले हिन्दू राष्ट्र र राजसंस्था पुनः स्थापनाको एजेन्डाको मुख्य संवाहक आफूहरू नै भएको भन्दै यसको निम्ति आन्दोलन नै अन्तिम विकल्प भएको बताएका हुन् ।
उनले हिन्दू राष्ट्र र राजसंस्था पुनः स्थापनाका लागि बृहत् राष्ट्रिय मोर्चा बनाएर आन्दोलनमा जानुपर्ने बताए ।
उनले सङ्घीय लोकतान्त्रिक गणतन्त्रात्मक व्यवस्था असफल भइसकेको बताए ।
अबको विकल्प राजसंस्था सहितको प्रजातन्त्र, हिन्दू राष्ट्र र दुई तहको सरकार भएको उनको भनाइ छ ।
उनले यसको निम्ति सम्पूर्ण जनताहरूलाई सडकमा आउन अपील गरे ।
