-
-
-
-
सिराहा । सिराहा प्रहरीले २०४ बोरा प्याज बरामद गरेको छ। ट्रकमा लोड गरेर काठमाडौं लैजाँदै गरिएको करिब ४ लाख ८ हजार रुपैयाँ बराबरको प्याज प्रहरीले मंगलबार राति ८ बजे बरामद गरेको हो।
धनगढीमाई नगरपालिका वडा नं ९ मुसहरनियास्थित सडकखण्डबाट प्र१–०२–००१ ख ९१६९ नम्बरको ट्रकमा लोड गरिएको प्याज बरामद गरिएको सिराहाका प्रहरी नायब उपरीक्षक रविन्द्रराज पाण्डेले बताए।
यस क्रममा उदयपुर कटारी नगरपालिका ५ बस्ने चालक राजेश कटुवाल पक्राउ परेको पाण्डेले बताए । भन्सार जाँचपासको कागजात नभेटिएपछि प्याज नियन्त्रणमा लिइएको प्रहरीले जनाएको छ।
प्याजसहितको ट्रक राजश्व अनुसन्धान कार्यालय सुनसरीमा पठाइएको छ।
