थापा र सिटौला बालुवाटारमा, सहमति बिना संसद अगाडि बढाए झडपको खतरा
गृहमन्त्री लामिछानेले संसदमा आज विधेयक पेस गर्ने तयारी
हाम्रा कुरा
प्रकाशित २०८० चैत २७ मंगलबार
667
Shares
काठमाडौँ । संसदको अवरोध खुलाउन प्रधानमन्त्री निवास बालुवाटारमा छलफल जारी रहेको छ । छलफलमा प्रधानमन्त्री पुष्पकमल दाहाल प्रचण्ड, सभामुख देवराज घिमिरे, एमाले अध्यक्ष केपी शर्मा ओली र नेपाली कांग्रेसका तर्फबाट महामन्त्री गगनकुमार थापा र पूर्वमहामन्त्री कृष्णप्रसाद सिटौला सहभागी रहेका छन् ।
कांग्रेसले उपप्रधान तथा गृहमन्त्री रवि लामिछाने सहकारी ठगीमा संलग्न रहेको विषयमा संसदीय छानबिनको माग राखेर आज संसद बैठक अवरुद्ध गर्ने अडान जारी राखेपछि छलफल भएको बताइएको छ ।
अर्कोतर्फ कांग्रेसको अडानका बीच सरकारका तर्फबाट गृहमन्त्री लामिछानेले संसदमा आज विधेयक पेश गर्ने तयारी गरेपछि संसदमा झडपको खतरा हुने अनुमान गरिएको छ ।
यसअघि सोमबार सभामुख देवराज घिमिरेले बोलाएको छलफलमा सत्तापक्ष र विपक्षका आआफ्नै अडान दोहोर्याएपछि बैठक बिना निष्कर्षमा सकिएको थियो ।
