-
-
-
-
दाङ । तुलसीपुर उपमहानगरपालिका-३ स्थित गोठी खोलाले बगाउँदा एक महिलाको मृत्यु भएको छ ।
सोही वडाको रानागाउँ बस्ने ५१ वर्षीया ताराकुमारी गुरुङलाई मंगलबार खोलाले बगाउँदा मृत्यु भएको हो ।
गुरुङको शव परीक्षणका लागि राप्ति प्रादेशिक अस्पताल तुलसीपुरमा राखिएको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।
खेतमा काम गर्न गएकी उनी शौच गर्न खोलातर्फ गएकी थिइन् ।
खोलामा एक्कासि आएको बाढीले बगाउँदा उनको मृत्यु भएको प्रहरीले जनाएको छ ।
