स्वर्णलक्ष्मी सहकारी ठगी प्रकरणमा ३९ जनाविरुद्ध मुद्दा, रवि एक्लैले पाँच करोड ठगेको निष्कर्ष [अभियोगपत्रसहित]
हाम्रा कुरा
प्रकाशित २०८१ पुष २१ आइतबार
823
Shares
तस्बिर – फाइल ।
काठमाडौँ । काठमाडौँको कालीमाटीस्थित स्वर्णलक्ष्मी सहकारी ठगी प्रकरणको मुद्दा अदालत पुगेको छ । जिल्ला सरकारी वकिलको कार्यालय काठमाडौँले आइतबार काठमाडौँ जिल्ला अदालतमा ३९ जनाविरुद्ध मुद्दा दर्ता गराएको हो ।
अभियुक्तहरुबाट एक अर्ब १९ करोड ४९ लाख २१ हजार २ सय ७० रुपैयाँ बिगो कायम गरी ३९ जनाविरुद्ध मुद्दा दर्ता गराएको हो । ३९ जनामध्येका एक पूर्व उपप्रधान तथा गृहमन्त्री एवं राष्ट्रिय स्वतन्त्र पार्टीका सभापति रवि लामिछानेले मात्रै पाँच करोड रुपैयाँ ठगेको प्रहरीको निष्कर्ष छ ।
काठमाडौँ प्रहरीले स्वर्णलक्ष्मीको अनुसन्धान गरेर प्रतिवेदन बिहीबार वकिल कार्यालयमा बुझाएको थियो । अध्ययन गरी जिल्ला अदालतमा दर्ता गर्न समय लागेकाले आइतबारमात्र दर्ता भएको हो ।
यो प्रकरणमा रविसँगै गितेन्द्र बाबु (जीबी) तथा पूर्वडीआईजी छविलाल जोशीसहित ३९ जनाविरुद्ध मुद्धा लगाइएको छ ।
जसमा रवि लामिछानेले मात्रै पाँच करोड रुपैयाँ भन्दा बढी बचत रकम अपचलन गरेको पुष्टि भएको प्रहरी अनुसन्धानले देखाएको छ ।
रविले पाँच करोड आठ लाख ६९ हजार ६३३ रुपैयाँ ५ पैसा अपचलन गरेको पुष्टि भएको देखाएको हो ।
