पहिलो महिला न्यायाधीश श्रेष्ठ रहिनन्, बुबालाई महेन्द्रले जेल हालेपछि पढेकी थिइन् कानून
हाम्रा कुरा
प्रकाशित २०८१ फागुन १६ शुक्रबार
834
Shares
काठमाडौँ । नेपालकी पहिलो महिला न्यायाधीश शारदा श्रेष्ठको ८४ वर्षको उमेरमा निधन भएको छ । उनको शुक्रबार बिहान शिक्षण अस्पतालमा उपचारका क्रममा निधन भएको पारिवारिक स्रोतले जानकारी दिएको छ ।
परिवारका अनुसार उनको शुक्रबार नै अन्त्येष्टि गरिने छ। श्रेष्ठ नेपालको पहिलो महिला न्यायाधीश र सर्वोच्च अदालत पुग्ने दोस्रो महिला न्यायाधीश हुन्।
२०६१ बैशाखमा सर्वोच्च प्रवेश गरेकी श्रेष्ठ २०६५ जेठमा सर्वोच्चबाट बिदा भएकी थिइन्।
राजा महेन्द्रका पालामा आफ्नो बुबालाई अराष्ट्रिय तत्व भनेर जेल हालेपछि अदालतबाट छुटाउनकै निम्ति शारदाले कानून विषय पढेकी थिइन् ।
अहिले सर्वोच्च, उच्च र जिल्ला अदालतमा गरी ४३ जना महिला न्यायाधीश छन्। यो कुल न्यायाधीश संख्याको १०.५३ प्रतिशत मात्रै हो।
