आणविक प्रस्ताव छिट्टै अमेरिकालाई बुझाउने इरानको तयारी
हाम्रा कुरा
प्रकाशित २०८२ जेठ २७ मंगलबार
1.6k
Shares
काठमाडौँ । वासिङ्टनको प्रस्तावमा ‘अस्पष्टता’ रहेको भन्दै इरानले संयुक्त राज्य अमेरिकासँग आणविक सम्झौताका लागि छिट्टै प्रतिप्रस्ताव पेस गर्ने बताएको छ। सन् २०१८ मा आफ्नो पहिलो कार्यकालमा अमेरिकी राष्ट्रपति डोनाल्ड ट्रम्पले त्यागेको प्रमुख शक्तिराष्ट्रसँगको सम्झौतालाई प्रतिस्थापन गर्न तेहरान र वासिङ्टनबीच गत अप्रिलदेखि पाँच चरणको वार्ता भइसकेको छ।
इरानको युरेनियम संवद्र्धनलाई लिएर लामो समयदेखि आलोचकहरू कुटनीतिक गतिरोधमा फसेका छन्। तेहरानले यसलाई ‘सम्झौता गर्न नसकिने’ अधिकारको रूपमा बचाउ गरेको छ भने वासिङ्टनले यसलाई निर्विकल्प शर्तको रूपमा वर्णन गरेको छ।
मे ३१ मा पाँचौँ चरणको वार्तापछि इरानले अमेरिकी प्रस्तावका ‘तत्वहरू’ प्राप्त भएको बताएको थियो। पछि विदेशमन्त्री अब्बास अराघचीले उक्त प्रस्तावमा ‘अस्पष्टता’ रहेको बताएका थिए। चिनियाँ विदेश मन्त्रालयका प्रवक्ता इस्माइल बाकाईले पनि अमेरिकी प्रस्तावमा अघिल्लो चरणको वार्तालाई प्रतिबिम्बित गर्ने तत्वको अभाव भएको भन्दै आलोचना गरेका छन्।
"हामी आफ्नो प्रस्तावित योजना ओमानमार्फत अर्को पक्षलाई चाँडै नै प्रस्तुत गर्नेछौं," बाकाईले साप्ताहिक पत्रकार सम्मेलनमा भने, "यो एक प्रस्ताव तर्कसङ्गत, तार्किक र सन्तुलित छ, र हामी अमेरिकी पक्षलाई यस अवसरको कदर गर्न जोडदार सिफारिस गर्दछौं।"
इरानी सभामुखले अमेरिकी प्रस्तावमा प्रतिबन्ध हटाउने विषय समावेश नगरिएको त्यसैले इरानले छुट्टै प्रस्ताव पेस गर्नुपरेको बताएका छन्। यसबाट आगामी वार्तामा इरानले आफ्नो सशर्त र स्पष्ट प्रस्तावका साथ उपस्थित हुने सङ्केत दिएको छ।
