-
-
-
-
काठमाडौँ । नेपाली महिला क्रिकेट टिमले मलेसियाविरुद्धको टी–२० क्रिकेट श्रृंखला जितेको छ ।
बुधबार भएको पाँचौँ खेलमा ५ विकेटको जित हासिल गरेसँगै नेपालले श्रृंखला ३–२ ले जितेको हो ।
यसअघि २–२ को बराबरी भएको अवस्थामा बुधबार भएको अन्तिम खेलमा मलेसियाले टस जितेर पहिले ब्याटिङ गर्दै निर्धारित २० ओभरमा ७ विकेटको क्षतिमा १०३ रन बनायो ।
बायुमास ओभलमा भएको खेलमा मलेसियाका लागि विनिफ्रेड दुराइसिंघमले ४० रन बनाइन् । नेपालका लागि राजमती ऐरीले ३ ओभरमा १५ रन खर्चेर ३ विकेट लिइन् ।
जवाफमा नेपालले १८ ओभरमै ५ विकेटको क्षतिमा जित हासिल गर्दै ५ विकेटको जित निकाल्यो ।
रुबी पोदारले २५ बलमा सर्वाधिक २६ रन बनाइन् । ऐरी प्लेयर अफ द म्याच भइन् ।
यसअघि पहिलो खेलमा मलेसिया ३ रनले विजयी भएको थियो भने दोस्रो खेलमा नेपाल ६ विकेटले विजयी भएको थियो ।
तेस्रो खेल मलेसियाले १३ रनले जित्दा चौथो खेल नेपालले ६ विकेटले नै जित्यो ।
पाँचौँ खेल ५ विकेटले जितेसँगै नेपालले श्रृंखला ३–२ ले जितेको हो ।
