काठमाडौँ । भारत विरुद्धको दोस्रो टेष्ट क्रिकेटमा पनि वेष्ट इन्डिजले कमजोर प्रदर्शन गरेको छ । दिल्लीमा भइरहेको खेलमा भारतले पहिले ब्याटिङ गर्दै ५ विकेटको क्षतिमा ५१८ रन बनाएर इनिङ्स समाप्तिको घोषणा गर्यो ।
यशस्वि जैसवालले १७५ तथा कप्तान शुुबमन गिलले अविजित रहँदै १२९ रन बनाए । जोमेल वारिकनले ३ विकेट लिए ।
जवाफमा वेष्ट इन्डिजले आइतबार तेस्रो दिन सबै विकेट गुमाएर २४८ रन बनाउन सक्यो । आइतबार ४ विकेटको क्षतिमा १४० रनबाट अगाडि खेलेको वेष्ट इन्डिजले थप एक सय आठ रन जोडेर अलआउट भएको हो ।
एलिक एथानाजले ४१ तथा तागेनाराइन चन्द्रपलले ३४ रन बनाए । शाइ होप ३६ रनमा आउट भए ।
कुलदीप यादवले ५ तथा रविन्द्र जडेजाले ३ विकेट लिएका छन् ।
वेष्ट इन्डिज २७० रनले पछि परेको छ । फलोअन जोगाउन नसकेको टिमले पुनः ब्याटिङ थालेको छ ।
यसअघि पहिलो खेल भारतले एक इनिङ्स र १४० रनले जितेको थियो । वेष्ट इन्डिजले पहिलो ब्याटिङ गर्दै १६२ रन बनायो । जवाफमा भारतले पहिले ब्याटिङ गर्दै ५ विकेटको क्षतिमा ४४८ रन बनाएर इनिङ्स समाप्ति गरेको थियो । त्यसपछि आएको वेष्ट इन्डिजले १४६ रनमात्र बनाएको थियो ।
दोस्रो खेलमा भने वेष्ट इन्डिजले सुधारोन्मुख खेल खेलेको छ ।
