काठमाडौँ । नेपालले आईसीसी टी–२० विश्वकप एसिया र इस्ट एसिया प्यासिफिक छनोट क्रिकेट अन्तर्गत सुपर सिक्समा यूएईसँग खेलिरहेको छ । जितका लागि नेपालले यूएईलाई १४१ रनको सामान्य लक्ष्य दिएको छ ।
टस जितेर पहिला ब्याटिङ गरेको नेपालले ६ विकेट गुमाउँदै १४० रन बनाएको हो। ओपनर आसिफ शेखले सर्वाधिक ५१ रन बनाए । ४७ बल खेलेका उनले ४ चौका र १ छक्का प्रहार गरे । उनको टी–२० मा यो नवौँ अर्धशतक हो।
पहिलो विकेटका लागि ५६ रनको साझोदारी गर्ने क्रममा अर्का ओपनर कुशल भुर्तेलले २६ बलमा २८ रन बनाए । कप्तान रोहितकुमार पौडेल २०, गुलसन झा १४ र कुशल मल्ल १० रनमा आउट भए ।
जवाफमा यूएई मैदानमा उत्रिइसकेको छ । यूएईले दोस्रो ओभरमै विकेट गुमाएको छ ।
