विकासमा प्रतिस्पर्धा गर्न सके गाउँले काँचुली फेर्ने मुख्यमन्त्री कँडेलकाे दाबी
हाम्रा कुरा
प्रकाशित २०८२ मंसिर ९ मंगलबार
870
Shares
सुर्खेत । कालीकोटको सान्नीत्रिवेणी गाउँपालिकाले आफ्नै भवनबाट सेवा शुरू गरेको छ । पालिकाको प्रशासनिक भवन निर्माण कार्य सकिएसँगै मंगलबारदेखि नयाँ भवनबाट सेवा शुरू गरिएको हो । गाउँपालिकाको भवन निर्माणका लागि स्थानीयले आठ हजार वर्गमिटर जग्गा दान दिएका थिए ।
गाउँपालिकाको ४० प्रतिशत र संघीय सरकारको ६० प्रतिशत लागत साँझेदारी गरी सात करोड ८८ लाख ४४ हजार नौ सय ४८ मा भवन निर्माण भएकोे गाउँपालिकाका प्रमुख प्रशासकीय अधिकृत प्रेमबहादुर बडुवालले बताए । सभा हलसहित तीन तले भवनमा २२ कोठा छन् ।
कर्णाली प्रदेशका मुख्यमन्त्री यामलाल कँडेलले भवन उद्घाटन गरेका छन् । भवन उद्घाटन गर्दै मुख्यमन्त्रीले नागरिकको सबैभन्दा नजिकको सरकार पूर्वाधार र जनशक्तिका हिसाबले पूर्ण हुन सकेमात्र नागरिकले प्रभावकारी सेवा पाउने बताए ।
गाउँको विकासका रागि सबै दल राजनीतिभन्दा माथि उठ्नुपर्ने उनको भनाइ छ ।
‘विकासमा प्रतिस्पर्धा गर्नसकेमात्र गाउँले काँचुली फेर्न सक्छन्’ उनले भने, ‘विकास रोक्नका लागि राजनीति होइन कि विकास गर्नका लागि प्रतिस्पर्धा गरौँ ।’
