-
-
-
-
काठमाडौँ । भारत र श्रीलंकाको संयुक्त आयोजनामा भइरहेको टी–२० विश्वकपको सुपर आठमा वेष्ट इन्डिजले शानदार प्रदर्शन गरेको छ । वेष्ट इन्डिजले जिम्बाब्वेलाई १०७ रनको फराकिलो अन्तरले हराएको हो ।
भारतको मुम्बईस्थित वाङ्खेडेको मैदानमा भएको खेलमा पहिले ब्याटिङ गरेको वेष्ट इन्डिजले ६ विकेटको क्षतिमा २५४ रन बनायो ।
शाइमन हेटमायरले ३४ बलमा ८५ तथा रोभमन पवेलले ३५ बलमा ५९ रन जोडे ।
जवाफमा जिम्बाब्वेले १७.४ ओभरमा अलआउट हुँदै १४७ रन बनाउन सक्यो । गुडाकेश मोटीले ४ तथा एकिल हुसेनले ३ विकेट लिए ।
योसँगै सुपर आठको समूह एकमा रहेको वेष्ट इन्डिज २ अंकसहित शीर्ष स्थानमा रहेको छ । दक्षिण अफ्रिका समान अंकसहित दोस्रो स्थानमा छ ।
भारत र जिम्बाब्वे अंकविहीन छन् ।
आज अर्को समूहका इङ्गल्याण्ड र पाकिस्तान बेलुकी भिड्दै छन् ।
यसअघि इङ्गल्याण्डले श्रीलंकालाई र न्यूजिल्याण्डले पाकिस्तानलाई हराएको थियो । आजको खेल हार्दा पाकिस्तान सेमिफाइनल प्रवेशको होडबाट बाहिरिन सक्नेछ ।
