काठमाडौँ । संस्कृति, पर्यटन तथा नागरिक उड्डयन मन्त्रालयले आज टुँडिखेलमा एक कार्यक्रम आयोजना गरी प्रथम अन्तर्राष्ट्रिय आरोग्य (वेलनेस) दिवस मनाएको छ ।
उक्त कार्यक्रममा सभामुख, पर्यटनमन्त्री र विभिन्न संघसंस्था तथा सरकारी निकायका व्यक्तिहरू उपस्थित थिए ।
यो दिवस नेपालको अगुवाइमा यसै वर्षदेखि विश्वका विभिन्न देशमा मनाइँदै छ । समग्र स्वास्थ्य, सुख र सन्तुलित जीवनशैली प्रवर्द्धन गर्ने उद्देश्यले संयुक्त राष्ट्रसंघको महासभाले १५ अप्रिललाई अन्तर्राष्ट्रिय आरोग्य दिवसका रूपमा घोषणा गरेको हो ।
हरेक वर्ष आरोग्य दिवस मनाउन नेपालले गरेको प्रस्तावलाई महासभाले गत २६ फागुनमा अनुमोदन गरेको हो ।
