हैदराबाद । इन्डियन प्रिमियर लिग क्रिकेट आइपीए टी–२० को दशौं संस्करण बुधबारदेखि सुरु हुँदैछ । पहिलो खेलमा डिफेन्डिङ च्याम्पियन सनराइजर्स हैदराबाद र रोयल च्यालेन्जर्स बैंगलुरु भिड्दै छन् ।
खेल हैदराबादको मैदान राजिव गान्धी इन्टरनेशनल क्रिकेट स्टेडियममा नेपाली समयअनुसार राति ८ः१५ बजे सुरु हुनेछ ।
यसपटक ८ टिम उपाधिका लागि भिड्दै छन् ।
सन् २००८ देखि सुरु भएको आइपीएलमा अहिलेसम्म चेन्नई सुपर किंगस, कोलकाता नाइट राइडर्स र मुम्बई इन्डियन्सले २–२ पटक उपाधि जितेका छन् ।
त्यस्तै राजस्थान रोयल्स, डेक्कन चार्जर्स र सनराइजर्स हैदराबादले १–१ पटक उपाधि जितेका छन् । राजस्थान पहिलो संस्करणको विजेता हो भने हैदराबाद डिफेन्डिङ च्याम्पियन हो ।
फाइनलमा सबैभन्दा बढी चार पटक चेन्नई पुगेको छ ।
