स्टामफोर्ड ब्रिज । चेल्सी इङलिश प्रिमियर लिग फुटबलको उपाधि नजिक पुगेको छ । घरेलु मैदान स्टामफोर्ड ब्रिजमा अर्को दावेदार क्लव म्यानचेष्टर सिटीमाथि २–१ को जित निकालेसंगै चेल्सी ढुक्क हुने स्थितिमा पुगेको हो ।
चेल्सीलाई विजयी गराउन एडन हजार्डले दुवै गोल गरे । तर पेनाल्टीमा गोल गर्न चुकेका हजार्डले ह्याट्रिक पूरा गर्न सकेनन् । म्यानचेष्टर सिटीका लागि सर्जियो अगुएरोले सान्त्वना गोल गरे ।
स्वान्सी सिटीलाई ३–१ ले हराउँदै टोटनह्याम हट्सपर पनि उपाधिका लागि अगाडि आएको छ । टोटनह्यामका लागि डेले अली, ह्युङ मिन सन र क्रिष्टियन इरिक्सनले १–१ गोल गरे ।
अन्य खेलमा आर्सनलले वेष्टह्यामलाई ३–० ले, हल सिटीले मिडिल्सब्रोलाई ४–२ ले, साउथह्याम्पटनले क्रिष्टल प्यालेसलाई ३–१ ले हराउँदा लिभरपुलले बर्नमाउथसंग २–२ को बराबरी खेल्यो । यो बराबरीले चेल्सीको उपाधि भिडन्त कमजोर भएको छ ।
३० खेलबाट ७२ अंकको चेल्सी शीर्ष स्थानमा हुँदा समान खेलबाटै ६५ अंकको टोटनह्याम दोस्रो स्थानमा छ । ३१ खेलबाट ६० अंकको लिभरपुल तेस्रो स्थानमा छ । ३० खेलबाट ५८ अंकको म्यानचेष्टर सिटी चौथो स्थानमा छ ।
२९ खेलबाट ५४ अंकको आर्सनल पाँचौं स्थानमा हुँदा समान खेलबाटै ५४ अंकमा रहेको पीडित म्यानचेष्टर युनाइटेड फेरि छैटौं स्थानमा खस्केको छ ।
