एजेन्सी। फिफाको पुरुष फुटबल वरियतामा ब्राजिल पहिलो स्थानमा फर्किएको छ। सात वर्षपछि ब्राजिल पहिलो स्थानमा पुगेको हो। अर्जेन्टिना दोस्रो स्थानमा छ, भने जर्मनी र चिली क्रमशः तेस्रो तथा चौथो स्थानमा छन् ।
नेपाल फिफाको वरियताको १७०औं स्थानमा छ । नेपाल यसअघिकै स्थानमा कायम रहेको हो । दक्षिण एसियाली राष्ट्रहरुमा नेपाल पाँचौ स्थानमा छ । नेपाल भन्दा माथि भुटान, अफगानिस्तान, माल्दिभ्स र भारत छन् ।
विश्व वरियतामा भारत १०१औं स्थानमा रहेको छ, भने मालदिभ्स १५१औं र अफगानिस्तान १५३औँ स्थानमा रहेको छ। नेपालको कुल ११२ अंक रहेको छ भने भुटानको १२३ अंक छ। भारतको ३३१ अंक छ।
भुटान विश्व बरिताको १६४औं स्थानमा छ। यस्तै, बंगलादेश नेपाल भन्दा पछि परेको छ । बंगलादेश १९३औं स्थानमा रहँदा श्रीलंका १९७औं स्थानमा छ। अघिल्लो बरियता भन्दा नेपालको केही अंक घटेको छ ।
