म्यान्चेस्टर युनाइटेडको सानदार जित

प्रकाशित मिति : २०७३ चैत २७ आइतबार

एजेन्सी । इङ्गलिश प्रिमियर लिग फुटबलमा म्यान्चेस्टर युनाइटेड विजयी भएको छ । सण्डरल्याण्डको घरेलु मैदानमा भएको खेलमा म्यान्चेस्टर युनाइटेडले ३–० को सानदार जित निकालेको हो ।

म्यानयुलाई विजयी गराउन ज्लाटान इब्राहिमोविच, हेनरिक मुक्तासन र मार्कस रास्फोर्डले १–१ गोल गरे । ४३औँ मिनेटमा सेबेस्टियन लार्सन रातो कार्ड खाँदै मैदानबाट बाहिरिएपछि घरेलु टोली सण्डरल्याड दबाबमा पर्‍याे ।

यसअघिको खेलमा एभर्टनसँग १–१ को बराबरीमा रोकिएको म्यानयुले चौथो स्थानको म्यान्चेस्टर सिटीसँग अंक दुरी कम गरेको छ । म्यानयुको ३० खेलबाट ५७ अंक भएको छ । शीर्ष स्थानको चेल्सीको ३१ खेलबाट ७५ अंक भएको छ भने दोस्रो स्थानको टोटनह्याम हट्सपरको समान खेलबाट ६८ अंक भएको छ । गत सिजनमा संकटमा परेको चेल्सीले यो सिजन उपाधि दावेदारी बलियो पारेको छ । चेल्सीले दोस्रो स्थानको टोटनह्यामसँग ७ अंको अग्रता लिएको छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ