डीपीएल क्रिकेट : रुपन्देही च्यालेन्जर्सले हरायो कञ्चनपुरलाई

कुशाल भूर्तेलको अलराउण्ड प्रदर्शनले पनि जोगिएन हार

प्रकाशित २०७३ चैत २८ सोमबार

काठमाडौं । धनगढी प्रिमियर लिग डीपीएल क्रिकेटमा रुपन्देही च्यालेन्जर्स विजयी भएको छ । रुपन्देहीले कञ्चनपुर आईकोनिकमाथि १४ रनको रोमाञ्चक जित निकालेको हो । धनगढीमा भएको खेलमा कञ्चनपुरले रुपेन्देहीले दिएको एक सय ४६ रनको चुनौती पार गर्न सकेन । कञ्चनपुर निर्धारित २० ओभरमा ९ विकेट गुमाएर एक सय ३१ रनमै समेटियो ।

कञ्चनपुरका लागि सागर पुनले ३९ रन बनाए । यस्तै, सुनिल धमलाले २८ रन जोड्दा कुशाल भुर्तेलले २७ रन बनाए । रुपन्देहीका बलर शाहाव आलम र कृष्ण कार्कीले ३–३ विकेट लिए । टस जितेर पहिले व्याटिङ गरेको रुपन्देहीले निर्धारित २० ओभरमा ८ विकेट गुमाएर एक सय ४५ रन बनाएको थियो ।

रुपन्देहीका लागि हरिशंकर शाहले ३३ रन बनाए । कञ्चनपुरका कुशाल भूर्तेलले अलराउण्ड प्रदर्शन गर्ने क्रममा ४ विकेट चट्काएपनि हार टरेन । यसअघि सोमबारै भएको पहिलो खेलमा सिवाईसी अत्तरियाले काठमाडौं गोलडेन्सलाई ४० रनले पराजित गरेको छ ।