गोरुको समाचार लेख्नखोज्दा प्रहरीद्धारा तीन पत्रकारमाथि दुब्र्यबहार, भिडियो–तस्वीर डिलिट 

प्रकाशित मिति : २०७५ पौष ९ सोमबार
तस्वीर – सांकेतिक

दाङ । नेपाल प्रेस युनियन दाङका सहसचिव शिवराज खनालसहित कार्यसमिति सदस्य प्रीया स्मृति गजमेर र पत्रकार शिवु खनालमाथी प्रहरीले अभद्र व्यवहार गरेको घटना प्रति नेपाल प्रेस युनियन दाङले आपत्ति जनाएको छ । 

सोमवार युनियन दाङका अध्यक्ष सन्तोष सुवेदी र सचिव आर.के. शीतलले विज्ञप्ती जारी गर्दै देउखुरीमा आईतवार युनियन दाङका सहसचिव खनाल, कार्यसमिति सदस्य गजमेर र अर्का पत्रकार खनालमाथि प्रहरीले गरेको दुरब्यवहारको भत्र्सना गरेका छन् । 

कन्चनपुरबाट झापा लैजान थालिएका गोरुको बारेमा समाचार संकलन गर्न राप्ती गाउँपालिका वडा नम्बर ५ लठ्ठहवामा प्रहरीले उनीहरुमाथि अभद्र व्यवहार गरेको हो । स्थानीयले ती गोरुहरु रोकेर राखेका थिए । 

युनियनका सहसचिव खनाल सहितका पत्रकारहरु त्यहाँ समाचार संकलनका लागि पुगेका थिए । त्यस क्रममा ईलाका प्रहरी कार्यालय भालुवाङका प्रहरी निरिक्षक रविन्द्रराज पाण्डेले सञ्चार सामग्री खोसेको र फोटो, भिडियो समेत डिलिट गरिदिएका थिए । साथै पाण्डेले उहाँहरुको पत्रकार परिचयपत्र खोसेर हातपातसमेत गरेका थिए ।

‘नागरिकले सत्यतथ्य सुचना पाउने हकको कार्यान्यवनकालागी घटनास्थलबाट लिईएको श्रव्यदृष्य सामाग्री खोसेर मेटाउनु संविधानको मौलिक हकको ठाडो उलंघन हो’ युनियन दाङको विज्ञप्तीमा उल्लेख छ– ‘पत्रकारहरुको परिचयपत्र खोसेर उहाँहरुमाथी हातपात गर्नु निन्दनिय कार्य हो ।’

साथै यस्ता प्रेस स्वतन्त्रता बिरोधी गतिविधी नदोहोर्याउन पनि युनियन दाङले सम्वन्धित पक्षलाई आग्रह गरेको छ । 

नयाँ