विद्यासुन्दरको हरिप्रभालाई प्रश्न : मेरो इज्जत उडाएर तपाईँको चाहिँ बच्छ ?

प्रकाशित मिति : २०७६ बैशाख १३ शुक्रबार

काठमाडौं । रानीपोखरी अतिक्रमणको विरुद्ध मेयर विद्यासुन्दर शाक्यलाई भेट्न पुगेका पूर्व रक्षामन्त्री भीमसेनदास प्रधानसहितको टोलीलाई काठमाडौं महानगरपालिकाका मेयर विद्यासुन्दर शाक्यले एउटा भावुक जवाफ फर्काए । टोलीको नेतृत्व गरेर शुक्रबार महानगरपालिका पुगेका प्रधानले टुँडीखेलको इतिहास, यसको महत्व र यसलाई संरक्षण गर्नुपर्ने कारणबारे मेयर शाक्यलाई स्पष्ट पारेका थिए । 

त्यसपछि टोलीले मेयर शाक्यलाई ज्ञापन पत्र पढेर सुनाए पछि बोल्ने पालो आयो मेयर शाक्यको । आफ्नो पालो आएपछि शाक्यले भाबुक हुँदै भने ‘मैले चैत २४ गते मात्रै यस विषयमा थाहा पाएको हुँ । मैले उपमेयरको नेतृत्वमा यस विषयमा छानविन गर्नको लागि जिम्मेवारी दिएको थिएँ । तर, उहाँले यसबारे अध्ययन गर्नुभयो रिपोर्ट दिनु भएन । उहाँ तपाईंहरुले भनेको मान्नु हुन्छ मैले भनेको मान्नु नै हुन्न’  

उनले खड्की नेपाली काँग्रेसको तर्फबाट उपमेयर भएको भएपनि अहिले त उपमेयर भएकोले मेयरले दिएका केही निर्देशनहरु त मान्नु पर्ने तर्क गरे । उनले उपमेयरले पछिल्लो समय उपमेयरको भन्दा पनि एउटा पार्टीको कार्यकर्ताको व्यवहार गरेको आरोप लगाउँदै भने ‘के मेरो इज्जत उडाएर तपाईँको चाहिँ बच्छ ?’ माननीयहरुलाई सम्मान गर्नुपर्ने भन्दै उनले उपमेयर र वडाध्यक्षहरुले आफूलाई नटेर्ने गरेको गुनासो पत्रकारहरुसँग नै गरे । 

उनले अब आफैंले सो विषयमा एक्सन लिने चेतावनी समेत दिएका छन् । आफूलाई मिडियाले ‘मेयर गायब भयो’ भनेर अनर्गल प्रचार गरेको आरोप लगाएका छन् । सो कार्यक्रममा पूर्व मन्त्री प्रधानले सरकारी जग्गा राज्यले नै सुरक्षित राख्नुपर्ने भन्दै त्यसमा पनि काठमाडौंको खुल्ला मञ्च भनेको त ऐतिहासिक महत्व बोकेको ठाउँ भएकोले यसको संरक्षण गर्न कुनै कसर बाँकी राख्न नहुने धारणा राखेका छन् । 

यस अघिका विभिन्न घटनाक्रमहरुले पनि एक पटक अतिक्रमण भएको भूमि फिर्ता गर्न धेरै गाह्रो भएकोले यसलाई समयमा नै व्यवस्थित गर्न सुझाव दिएका छन् । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ