यसरी प्रहरीद्धारा सम्मानित भइन् चार कक्षामा पढ्ने करुणा
रमेश विश्वकर्मा,
प्रकाशित २०७६ असोज २५ शनिबार
429
Shares
गुल्मी । जिल्ला प्रहरी कार्यालय गुल्मीद्वारा करुणा श्रीपाली सम्मानित भएकी छिन् । उनलाई जिल्ला प्रहरी कार्यालय गुल्मीले ६४ औं प्रहरी दिवसको अवसर पारेर आयोजना गरिएको एक कार्यक्रममा सम्मान गरेको हो ।
गत असोज २२ गते करुणाले जिल्ला अदालत अगाडि १० हजार ४५ रुपैयाँ नगद सहितको लेडिज व्याग फेला पारी जिल्ला प्रहरी कार्यालय गुल्मीमा बुझाएकी थिइन् ।
२३ गते नै उक्त व्याग सम्बन्धित व्यक्तिलाई पत्ता लगाएर कार्यालयमा नै बोलाई प्रहरी उपरीक्षक राजेन्द्र सिंह खड्काले हस्तान्तरण गरेका थिए ।
करुणाले गरेको कार्य इमानदारीप्रति सम्मान स्वरुप दोसल्ला ओढाई प्रमुख जिल्ला अधिकारी यदुनाथ पौडेलले सम्मान गरेका हुन् ।
करुणा जिल्लाको रेसुङ्गा नगरपालिका वडा नं ६ बालकोट घर भई हाल रेसुङ्गा नगरपालिका वडा नं ८ खानिगाँउ बस्ने मीना श्रीपालीकी छोरी हुन् । उनी उपल्लो तम्घास मावीमा कक्षा ४ मा अध्ययनरत छिन् ।
