काठमाडौं। काठमाडौंका विभिन्न स्थानबाट १२२ जना चिनियाँ नागरिकलाई आपराधिक गतिविधिमा संलग्न भएको आशङ्कामा पक्राउ परेकाहरुलाई नेपाल सरकारले ‘डिपोर्ट’ गर्ने तयारी गरेको छ। प्रहरीको अनुसन्धान पछि कसुर अनुसार ‘डिपोर्ट’ गर्ने तयारीमा अध्यागमन बिभाग रहेको श्रोतले जनाएको छ। भिषा सकिएर बसेका र कुनै अरु कसुर नदेखिएकाहरुलाई डिपोर्ट गरिनेछ श्रोतले थप स्पष्ट पारेको छ।

अनुसन्धान पछि नेपालको कानुन अनुसार मुद्दा चलाउन मिल्नेहरुलाई नेपालमा र नमिल्नेलाई अध्यागमन कानुन अनुसार चीन पठाईनेछ। भिषा सकिएका र अरु कुनै कसुर नदेखिएका चिनियाँ नागरिकहरुलाई डिपोर्ट गरिने महानगरीय अपराध अनुसन्धान माहाशाखा प्रमुख सहकुल थापाले हाम्राकुरालाई बताएका छन्। नेपालमा अपराध गरेको अनुसन्धानबाट देखिएमा चीन पठाउने कुरा हुँदैन। उनीहरुलाई नेपाली कानुन अनुसार कारवाही हुने प्रमुख थापाले बताए।

चिनियाँ राष्ट्रपति सी नेपाल भ्रमणमा आएका बेला नेपाल र चीन सरकारबीच भएको समझदारीपत्रको तेस्रो बुँदामा आपराधिक विषयमा पारस्परिक कानुनी सहायताबारे नेपाल र चीनबीच सन्धि हुने उल्लेख छ। सोही बुँदालाई कार्यान्वयन गर्ने क्रममा चीन सरकारले नेपाल सरकारलाई शंकास्पद चिनियाँ नागरिक पक्राउ गरी डिपोर्ट गर्न आग्रह गरेको श्रोतको दावी छ। नेपालमा पक्राउ परेका यी सबै चिनियाँ नागरिकलाई स्वदेश लगेर मुद्धा चलाउने तयारी चीनको छ। एकै दिनमा यति धेरै सङ्ख्यामा विदेशी नागरिक पक्राउ गरेको यो पहिलोपटक भएको परिसरका प्रवक्ता प्रहरी उपरीक्षक अशोक सिंहले बताए।

• विशेष अप्रेशन गर्न चीनका सय प्रहरी काठमाडौंमा
• [अपडेट] काठमाडौंबाट १२२ चिनियाँ नागरिक आपराधिक गतिविधिमा संलग्न भएको आशंकामा पक्राउ
• २२ चिनियाँ संदिग्धहरु समातिएको बाँसवारीको घर डा भोला रिजालको रहेको पुष्टी
• बैङकिङ कसुर गर्ने चिनियाँ ह्याकर बिरुद् अहिलेसम्मकै ठूलो कार्वाही
• नेटवर्किङ र टेक्नोलोजीको दुरुपयोग गरी अपराध गरेको आशंकामा ६ दर्जन चिनियाँ नागरिक पक्राउ

प्रहरीलाई आएको सूचनाका आधारमा उनीहरुलाई पक्राउ गरिएको परिसरले जनाएको छ। उनीहरु ‘एटिएम ह्याकिङ’ लगायतका आपराधिक गतिविधिमा संलग्न भएको प्रहरीको प्रारम्भिक अनुसन्धानले देखाएको छ। उनीहरुमध्ये कतिपयसँग प्रवेशाज्ञापत्र (भिसा) समेत नभएको पाइएको छ। उनीहरुको साथबाट कम्प्युटर, ल्यापटप, मोबाइललगायतका सामग्री पनि बरामद गरिएको प्रहरी उपरीक्षक सिंहले जानकारी दिए। उनले भने, “सम्बन्धित व्यक्ति पक्राउ परेकाले हामी थप अनुसन्धान अघि बढाउनेछौं।”

पक्राउ परेकाहरु नेपालबाटै चीनमा अनलाइन जुवा खेलाउने, अनलाइनमार्फत युवतीहरुका अस्लिल भिडियो देखाउने र विभिन्न बैंकबाट एकाउन्ट ह्याक गरेर पैसा निकाल्ने लगायतका आपराधिक गतिविधिमा संलग्न रहँदै आएको बुझिएको छ। चीनको युआन प्रान्तलाई मुख्य कार्य क्षेत्र बनाएर चिनियाँ अर्थतन्त्रलाई धरासायी बनाउन चीन बाहिर रहेका चिनियाँहरु सक्रिय रहेको अनुसन्धानबाट खुलेपछि चीन सरकार आक्रामक कार्वाहीमा उत्रिएको हो। त्यसअघि फिलिपिन्समा ६०१ चिनियाँ नागरिक पक्राउ परेयता नेपालमा यस्तो गतिविधिमा पक्राउ परेको यो दोस्रो ठूलो घटना हो।

प्रहरीको प्रारम्भिक अनुसन्धानमा ‘एटिएम ह्याकिङ’ लगायतका आपराधिक गतिविधिमा संलग्न भएको प्रहरीले जनाईसकेको स्थितीमा नेपाल सरकारले पक्राउ परेका सबै १ सय २२ लाई डिपोर्ट गर्छ वा कसुर अनुसार केहीलाई मात्र, त्यो समयले बताउने छ।

• चिनियाँ नागरिकको सुनमा गैरकानुनी काम रोकिएन, आठ किलो सुनसहित विमानस्थलबाट दुई जना पक्राउ
• कर छलेको आरोपमा चिनियाँ नागरिक बिरुद्ध राजश्व अनुसन्धानको मुद्दा
• ठगीको आरोपमा २७७ जना चिनियाँ नागरिक पक्राउ
• चिनियाँ नागरिकबाट असुरक्षित नेपाल
• चिनियाँले पैसा निकालेपछि राष्ट्र बैंकले भन्यो- सर्वसाधारणको रकम सुरक्षित छ
• लुटेरा चिनियाँलाई गर्‍यो प्रहरीले सार्वजनिक
• पक्राउ परेका चिनियाँसँग रु १ करोड २६ लाख र ९ हजार अमेरिकन डलर बरामद
• अनधिकृतरुपले एटिएमबाट पैसा निकाल्ने पाँच चिनियाँ पक्राउ
• हुण्डी चलाउने चिनियाँ रेष्टुरेन्टहरुलाई कारबाही गर्ने बाटो खुल्यो, हुनसक्छ ४ वर्षसम्म कैद
• चिनियाँ कम्पनी छिरेको ठाउँमा विवादै विवाद, २ कम्पनी कालो सूचीमा
• भारतीमात्र हैन बंगाली, बर्मेली, तिम्बती र चिनियाँले पनि लिए नेपाली नागरिकता 
• चिनियाँ कब्जामा ठमेल, पलपलमा रुन्छन् व्यवसायी र घरधनी