- सुन चाँदी दर
- विनिमय दर
- नेपाली पात्रो
- राशिफल
काठमाडौं । जम्मू–कश्मीरमा हिजबुल मुजाहिदीनको आतंकवादी संगठनको अन्त्यको करिब पुगेको भारतीय सुरक्षाले दाबी गरेको छ ।
सुरक्षाबलले सोमबार शोपियां क्षेत्रमा मुजाहिदीनका तीन आतंकवादीलाई मारेपछि उक्त सफलता नजिक पुगेको दाबी गरेको हो ।
तीनमध्ये एक जना कमान्डर वसिम अहमद वानी रहेको सुरक्षाकर्मीले बताएका छन् । वानी घाटीमा सन् २०१७ देखि सक्रिय रहेको थियो । वानीलाई मुजाहिदीनको शीर्ष कमान्डर मानिन्छ ।
वानीमाथि चार नागरिक र चार पुलिस मारेको आरोप छ । उमाथि १९ एफआइआर परेको थियो ।
डीजीपी दिलबाग सिंहका अनुसार सुरक्षाकर्मी दक्षिण कश्मीरमा मुजाहिदीनलाई समाप्त पार्ने अभियानको नजिक पुगेको छ ।
गत हप्ता डोडा जिल्लामा सुरक्षाकर्मीसंगको एनकाउन्टरमा हिजामुदीन मारिएको थियो । जसलाई हारुन हफजका नामले चिनाइएको थियो ।
विगत १५ दिनमा सुरक्षाबलको कार्वाहीमा परी त्यहाँ ७ आतंकवादी मारिएका छन् ।