- सुन चाँदी दर
- विनिमय दर
- नेपाली पात्रो
- राशिफल
नवलपुर । अख्तियार दुरुपयोग अनुसन्धान आयोगद्धारा डिभिजन वन कार्यालय नवलपुरका निमित्त कार्यालय प्रमुख कृष्णबहादुर देवकोटा र कार्यालय सहयोगी प्रमोदकुमार तेली २ लाख घुस रकम सहित पक्राउ परेका छन् ।
निमित्त कार्यालय प्रमुख देवकोटा र करारमा रहेका कार्यालय सहयोगी तेलीले टेण्डरको काठ उठाए वापत सेवाग्राहीसँग पटक पटक घुस माग गरिरहेको भन्ने उजुरी एवम सूचना पाएपछि अख्तियारले टोली खटाएको थियो ।
अख्तियार दुरुपयोग अनुसन्धान आयोगको कार्यालय बुटवलबाट गएको टोलीले उनीहरुलाई दुई लाख घुस लिइसकेको अबस्थामा उक्त रकमसहित डिभिजन वन कार्यालय, नवलपुरबाट नियन्त्रणमा लिएको थियो ।
अहिले थप अनुसन्धान भइरहेको अख्तियार दुरुपयोग अनुसन्धान आयोगका प्रवक्ता प्रदीपकुमार कोइरालाले जानकारी दिए ।