-
-
-
-
काठमाडौं । कोरोना भाइरस (कोभिड–१९) बाट सबैभन्दा मृत्यु इटालीमा भएको छ । बिहीबार एकै दिन ४२७ जनाको ज्यान गएपछि इटालीमा मृत्यु हुनेको संख्या बढेको हो ।
इटालीमा मृत्यु हुनेको सङ्ख्या ३ हजार ४०५ पुगेको छ । यो सङ्ख्या कोरोना भाइरसको सङ्क्रमण सुरु भएको चीनको भन्दा बढी हो।
चीनमा अहिलेसम्म ३ हजार २४९ जनाको ज्यान गएको छ । डिसेम्बर अन्त्यदेखि फैलिएको कोरोनाबाट अहिलेसम्म ९ हजार ८ सय ६७ जनाको मृत्यु भएको छ ।
इरानमा १ हजार २८४ जनाको, स्पेनमा ८३० जनाको फ्रान्समा २४३ जनाको र बेलायतमा १३७ जनाको मृत्यु भएको छ ।
दक्षिण कोरियामा ९१, नेदरल्यान्डसमा ७६, अमेरिकामा ७४ र जर्मनीमा ४४ जनाको ज्यान गएको छ ।
संक्रमितको संख्या २ लाख ४२ हजार ७१३ पुगेको छ । चीनमा ८१ हजार १५६ तथा इटालीमा ४१ हजार ३५ जना संक्रमित छन् ।
८४ हजार ९६२ जना भने निको भएर फर्केका छन् ।
