- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्वभर कोरोना भाइरस (कोभिड–१९) को आतंक रहेको छ । यसले भारत पनि अछुतो छैन । भारतीय प्रधानमन्त्री नरेन्द्र मोदीले देशमा तीन हप्ते लकडाउन लगाएका छन् ।
अझै एक हप्ता थप्ने योजना बनिरहेको बताइन्छ । किनकि त्यहाँ कोरोना संक्रमित र मृतकको संख्या बढ्दै गइरहेको छ ।
यसलाई ध्यानमा राखेर मोदीले घरमा बसिरहेका मानिसलाई प्रोत्साहित गर्नका लागि ट्वीटरमा आफूले गरेको योगाशन भिडियो सार्वजनिक गरेका छन् ।
मोदीले ‘योग निद्रा’ सार्वजनिक गर्दै सामाजिक संजाल ट्वीटरमा ट्वीट गरेका छन्, ‘समय मिल्दा हप्तामा एक–दुई पटक योग निद्राको अभ्यास गर्ने गर्छु ।’
मोदीले लेखेका छन्, ‘यसले शरीर स्वस्थ्य र मन प्रसन्न हुन्छ । साथै यसले तनाव र चिन्ता पनि कम गर्छ ।’
यो भिडियो हेरेपछि अमेरिकी राष्ट्रपति डोनाल्ड ट्रम्पकी पुत्री इवांकाले रिट्वीट गरेकी छिन् । उनले ‘यो शानदार छ’ भनेकी छिन् । उनले मोदीलाई धन्यवाद पनि दिएकी छिन् ।
इवांका गत फेब्रुअरीमा ट्रम्पसंग भारत आएकी थिइन् । अमेरिकामा पनि करीव ३० लाख मानिसले योग अभ्यास गर्ने गर्छन् ।