नरेन्द्र मोदीको तेस्रो कोराना सन्देश, ९ बजे ९ मिनेट बत्ती निभाऊ
प्रकाशित २०७६ चैत २१ शुक्रबार
516
Shares
काठमाडौं । भारतीय प्रधानमन्त्री नरेन्द्र मोदीले कोरोना भाइरसले संक्रामक बन्दै गइरहेका भारतीयलाई १६ दिनको अवधिमा तेस्रो पटक सन्देश दिएका छन् ।
शुक्रबार देशवासीका नाममा सन्देश दिँदै मोदीले आगामी आइतबार ५ अप्रिलमा राति ९ बजे सबैलाई ९ मिनेट घरमा बिजुली बत्ती बन्द गरेर मैनबत्ती, टर्च र दीयो या मोबाइलको फ्ल्यास बाल्न आग्रह गरेका छन् ।
उक्त समयमा बाहिर ननिस्की घरमै बसेर सामाजिक दूरी (सोसियस डिस्टेन्स) कायम गर्न पनि आग्रह गरेका छन् ।
मोदीले नौ दिनसम्मको लकडाउनमा जनताले देखाएको धैर्यको प्रशंसा गरेका छन् ।
१२ मिनेट भिडियो म्यासेज साझा गर्दै मोदीले जागरुकता अभियानका लागि धर्मगुरुहरुको मद्धत लिनुपर्नेमा जोड दिएका छन् ।
मोदीले यसअघि १९ मार्चमा संवोधन गर्दैै जनता कर्फ्यू लगाएका थिए । २४ मार्चमा उनले तीन हप्ताका लागि लकडाउन लगाएका थिए । लकडाउन १४ अप्रिलमा सकिँदैछ ।
अहिलेसम्म भारतमा २ हजार ५४३ जनालाई कोरोनाको संक्रमण भइसकेको छ भने ७२ जनाले ज्यान गुमाएका छन् ।
मोदीले विश्वलाई शक्तिको महसुस गराएको, अन्धकारबाट आशाको दिशामा जानुपर्ने र सामाजिक दूरी जरुरी रहेकोमा जोड दिएका छन् ।
मोदीले लकडाउनका समयमा जनताले पाएको दुःखप्रति माफी मागेका थिए ।
