-
-
-
-
काठमाडौं । कोरोना भाइरस (कोभिड–१९) ले बेलायतलाई पनि आक्रान्त पारेको छ । बेलायतमा अहिलेसम्म ४७ हजार ८०६ जना संक्रमित भएका छन् । मृतकको संख्या ४ हजार ९३४ जना पुगेको छ ।
तुलनात्मक रुपमा निको हुनेको संख्या एकदमै न्यून रहेको छ ।
बेलायती प्रधानमन्त्री बोरिस जोन्सन नै अस्पतालमा भर्ना भएका छन् । उनी कोरोना संक्रमित भएपछि १० दिनपछि पुनः परीक्षणका लागि अस्पतालमा भर्ना नै भएका हुन् ।
उनी सचेतना कदम चाल्नका लागि नै अस्पतालमा भर्ना भएका हुन् । उनी संक्रमित हुँदा समेत प्रधानमन्त्रीको निवासबाटै काम गरिरहेका थिए ।
बीबीसीका राजनीतिक सम्पादक लौरा कुजुन्सबर्गका अनुसार प्रधानमन्त्री जोन्सनको अस्पताल बसाइलाई रुटिन टेष्टको रुपमा हेरिएको छ ।
जोन्सनलाई गत मार्च २७ तारिखमा कोरोना संक्रमण देखिएको थियो ।
