- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतमा पछिल्ला केही दिनदेखि कोरोना भाइरसको संक्रमण तीव्र गतिले बढिरहेको छ । सोमबार बिहान मात्रै ६४ नयाँ संक्रमित भएका छन् । संक्रमितहरुको संख्या ९ हजार २८८ पुगिसकेको छ ।
आइतबार ७५९ नयाँ संक्रमित थपिएका थिए । तीन दिनपछि बल्ल ८ सय भन्दा कम संत्रमित भएका थिए । यसअघि गत अप्रिल ९ मा ८१३, १० अप्रिलमा ८७१, अप्रिल ११ मा ८५४ जना संक्रमित भएका थिए ।
भारतका २६ राज्य र ७ केन्द्र शासित प्रदेशमा कोरोनाको संक्रमण फैलिएको छ । कोभिड१९इन्डियाडटओआरजी अनुसार संक्रमित ९ हजार २८८ भए पनि भारतीय स्वास्थ्य मन्त्रालयले भने संक्रमितको संख्या ९ हजार १५२ लेखेको छ ।
३ सय ८ जनाको मृत्यु भएको छ । ८ सय ५६ जना ठीक भएका छन् भने ७ हजार ९८७ जनाको उपचार अहिले भइरहेको छ ।
सबैभन्दा बढी संक्रमित महाराष्ट्रमा १ हजार ९८६ जना रहेका छन् । मृतक १५० जना भएका छन् ।
दिल्लीमा १ हजार १५४ जना संक्रमिमत हुँदा २४ जनाको ज्यान गएको छ । तमिलनाडुमा १०७५ जना संक्रमित हुँदा मृतक ११ जना हुन् ।
राजस्थानमा ८१५ संक्रमित हुँदा ११ जनाको ज्यान गएको छ । तेलंगानामा ५३१ जना संक्रमित हुँदा १६ को ज्यान गएको छ ।
मध्यप्रदेशमा ५७२ जना संक्रमित हुँदा ४४ जनाको ज्यान गएको हो । पंजाबमा १५२ जना संक्रमित हूँदा १२ को ज्यान गएको छ । गुजरातमा ५१६ जना संक्रमित हुँदा २४ को ज्यान गएको छ ।
उत्तरप्रदेशमा ५१५ जना संक्रमित हुँदा ६ को ज्यान गएको छ । आन्ध्रप्रदेशमा ४२० संक्रमित हुँदा ७ को ज्यान गएको छ ।