दुई हप्ता लकडाउन थपिन सक्ने, पाँच राज्यले ३० अप्रिलसम्म बढाइसके
प्रकाशित २०७७ वैशाख १ सोमबार
551
Shares
काठमाडौं । भारतीय प्रधानमन्त्री नरेन्द्र मोदीले कोरोना भाइरसको संक्रमण फैलिएपछि चौथो पटक राष्ट्रका नाममा सम्वोधन गर्दैछन् ।
मोदीले मंगलबार बिहान १० बजे राष्ट्रको नाममा सम्वोधन गर्न लागेका हुन् । मोदीको यो सम्वोधन अब कति समय लकडाउन गर्ने भन्नेमा केन्द्रीत हुनेछ ।
यसअघि मोदीले १९ मार्चमा पहिलो सम्वोधन गर्दै जनता कफर््यूको अपील गरेका थिए । दोस्रो सम्वोधन मार्च २४ मा गरेका थिए ।
दोस्रो सम्वोधनमा उनले २१ दिन देशभर लकडाउन गरेका थिए । तेस्रो सम्वोधन ३ अप्रिलमा गरेका थिए । उक्त सम्वोधनमा उनले ९ मिनेट लाइट बन्द गरेर मोमबत्ती र दीयो बाल्न अनुरोध गरेका थिए ।
चौथो सम्वोधन मंगलबार बिहान हुँदैछ । भारतमा संक्रमित र मृतक बढ्दै गएपछि लकडाउन थप लम्बिने निश्चित छ ।
भारतमा ९ हजार २४० जना कोरोना संक्रमित भएका छन् । ३३१ जनाको ज्यान गइसकेको छ ।
२१ दिने लकडाउन मंगलबार सकिँदैछ । मोदीले दुई हप्ता थप लकडाउन गर्न सक्ने अनुमान गरिएको छ । पाँच राज्यले ३० अप्रिलसम्म लकडाउन गरिसकेका छन् । पंजाब, ओडिशा, महाराष्ट्र, तेलंगाना र बंगालमा ३० अप्रिलसम्म लकडाउन भइसकेको छ ।
गत शनिबार प्रधानमन्त्रीले १३ राज्यका मुख्यमन्त्रीहरुसंग गरेको बैठकपछि देशभर लकडाउन ३० अप्रिलसम्म बढाउन सहमति बनेको थियो ।
