बिहे त भयो तर लकडाउनले बेहुला–बेहुली–जन्ती स्कुलमा फसे
प्रकाशित २०७७ वैशाख ४ बिहिबार
709
Shares
काठमाडौं । बिहे हुनु पनि जीवनचक्रका लागि महत्वपूर्ण मानिन्छ । तर कोरोना भाइरसले अहिले जीवनचक्र ठप्प जस्तै भएको छ ।
त्यस्तै भएको छ भारतको छपरामा । कोलकाताबाट आएका ३२ जन्ती एउटा गाउँमा फसेका छन् । उनीहरु कोलकाता जान खोजिरहेका छन् तर सकिरहेका छैनन् ।
भारतमा लागेको लकडाउनले उनीको जीवनचक्र लक गरेको हो । उनीहरु बेहुलीको माइतीमै रहेका छन् । भारत सरकारले लकडाउन लगाउनु एक दिनअघि जन्ती बेहुली लिन गएका थिए ।
लकडाउनपछि गाउँमै अड्किए । अब त जन्तीलाई खुवाउने खानासमेत गाउँमा सकिन थालिसकेको छ ।
बेहुलीका माइती गरिब छन् । उनीहरुले नसक्दा गाउँलेले सघाए । अब त गाउँ पनि कंगाल भइसकेको भारतीय संचारमाध्यमले बताएका छन् ।
उनीहरु गाउँको बाहिर एक स्कुलमा बसिरहेका छन् । बेहुली पनि माइत छाडेर जन्तीसंगै बसिरहेकी छिन् ।
