- सुन चाँदी दर
- विनिमय दर
- नेपाली पात्रो
- राशिफल
काठमाडौं । कोरोना भाइरसका कारण भारतमा ज्यान गुमाउनेको संख्या ४४९ पुगेको छ । कोरोना संक्रमितको संख्या १३ हजार ५०० पुगेको छ ।
पछिल्ला दिनमा संक्रमितको संख्या बढ्दै गएको छ । मृत्यु दर पनि बढ्दै गएको छ । भारत बाहिर ३ हजार ३३६ जना संक्रमित भएका छन् । त्यस्तै २५ जनाको ज्यान गएको छ ।
भारतको मध्यप्रदेश सबैभन्दा बढी संक्रमित देखिएको छ । बिहीबार ३६१ जना नयाँ संक्रमित देखिएका छन् ।
यो समेत गरी बिहीबार मात्रै भारतमा १ हजार २६० नयाँ संक्रमित थपिएका हुन् । यो एकै दिनमा बढेको दोस्रो ठूलो संख्या हो ।
गुजरातमा पनि १६३ नयाँ संक्रमित देखिएका छन् । महाराष्ट्रमा २८६ नयाँ संक्रमित देखिएका छन् ।
मुम्बईमा १७७ नयाँ संक्रमित थपिएका छन् ।
कसरी देखिएको छ कोरोनाको रेट ?
इन्डियन काउन्सिल अफ मेडिकल रिसर्च (आइसीएमआर) का अनुसार भारतमा भइरहेको कोरोना परीक्षणमा हरेक २४ परीक्षणमध्ये एक जनामा कोरोनाको संक्रमण देखिएको छ ।
यो निकै बढी भएको पनि आइसीएमआरले बताएको छ । जापानमा ११७ परीक्षणमा केवल एक जनामा मात्र कोरोना पोजेटिभ देखिएको छ ।
आइसिएमआर प्रमुख डा. आरआर जगखेदकारका अनुसार २४ मध्ये एकमा कोरोना देखिनु धेरै हो ।