कोरोनाको असर अमेरिकामा अझै घटेन, संक्रमित ७ लाख ३९ हजार
प्रकाशित २०७७ वैशाख ७ आइतबार
390
Shares
काठमाडौं । कोरोना भाइरसको असर युरोपेली देशहरुमा घट्दै जाँदा अमेरिकामा भने घटेको अनुभूति अमेरिकाले गर्न सकेको छैन ।
अमेरिकी राष्ट्रपति डोनाल्ड ट्रम्पले केही राज्यहरुलाई लकडाउन खोल्न भने पनि कोरोनाको संक्रमण घट्ने लक्षण देखिएको छैन ।
२४ घण्टामा २८ हजार ९६२ जना संक्रमित भइसकेका छन् । त्यस्तै १ हजार ८५७ जना नयाँ मृतक थपिएका छन् ।
अमेरिकामा संक्रमितको संख्या ७ लाख ३८ हजार ६९७ संक्रमित रहेका छन् भने मृतकको संख्या ३९ हजार ११ पुगेको छ ।
युरोपेली देशहरुमा भने कमी आएको छ ।
६८ हजार २६९ जनालाई उपचारपछि निको भएको छ । तर बन्द केसमा मृतकको प्रतिशत ३६ भएकाले पनि स्थिति डरलाग्दो देखिएको छ ।
सबैभन्दा प्रभावित न्यूयोर्क सहर भएको छ । त्यहाँ २ लाख ४१ हजार ४१ जना संक्रमित हुँदा १७ हजार ६७१ जनाको ज्यान गइसकेको छ । त्यसपछिको प्रभावित सहर न्यूजर्सी हो ।
न्यूजर्सीमा अहिलेसम्म ८१ हजार ४२० जना संक्रमित हुँदा ४ हजार ७० जनाको ज्यान गएको छ ।
