- सुन चाँदी दर
- विनिमय दर
- नेपाली पात्रो
- राशिफल
काठमाडौं । कोरोना भाइरसबाट विश्व नै आक्रान्त भइरहँदा यसको प्रभाव दक्षिण एसियामा पनि परेको छ । सबैभन्दा बढी प्रभावित भारत भएको छ ।
भारतमा २४ घन्टायता १५ सय ४१ जना संक्रमित भएका छन् । पछिल्लो चार दिन निरन्तर एक हजार भन्दा बढीलाई हरेक दिन संक्रमण भएको छ ।
भारतमा संक्रमितको संख्या २० हजार ८० पुगेको छ । मृतकको संख्या ६४५ पुगेको छ । २४ घण्टामा ५३ जना नयाँ मृतक थपिएका छन् ।
भारतमा ३ हजार ९७५ जनालाई निको भएको छ । भारतमा केस बन्द भएका घटनामा १४ प्रतिशतको ज्यान गएको हो ।
दोस्रो पीडित राष्ट्र पाकिस्तान हो । पाकिस्तानमा ९ हजार ५६५ जना संक्रमित भएका छन् । त्यहाँ विगत २४ घण्टामा ६७३ जना नयाँ संक्रमित थपिएका छन् ।
पाकिस्तानमा २०१ जनाको ज्यान गएको छ । नयाँ मृतक २५ जना हुन् । २ हजार ७३ जनालाई उपचारपछि निको भएको छ ।
बंगलादेशमा ३ हजार ३८२ जना संक्रमित रहेका छन् । ४३४ जना नयाँ संक्रमित थपिएका छन् । मृतकको संख्या ११० पुगेको छ । नयाँ मृतक ९ जना हुन् । संक्रमितको तुलनामा निको भने कमैलाई मात्र भएको छ । बंगलादेशमा ८७ जनामात्र उपचारपछि निको भएका छन् ।
अफगानिस्तानमा १ हजार ९२ जना संक्रमित भएका छन् । ६६ जना संक्रमित नयाँ थपिएका हुन् । ३६ जनाको ज्यान गएको छ । १५० को मात्र निको भएको छ ।
श्रीलंकामा ३१० जना संक्रमित भएका छन् । ६ जना नयाँ संक्रमित थपिएका छन् । ७ जनाको ज्यान गएको छ । १०२ जनालाई निको भइसकेको छ ।
माल्दिभ्समा ८३ जनालाई संक्रमण भएको छ । १४ जना नयाँ थपिएका छन् । १६ जनालाई निको भइसकेको छ ।
त्यसपछि नेपाल नै पर्दछ । अहिलेसम्म नेपालमा ४२ जनामा संक्रमण भएको छ । ११ जना संक्रमित थपिएका छन् । ४ जनालाई निको भइसकेको छ ।
भुटानमा मात्र ६ जना संक्रमित रहेका छन् । २४ घण्टामा १ जना संक्रमित थपिएका छन् । २ जनालाई निको भइसकेको छ ।